பிளாஸ்டிக்கைக் கொண்டு பெட்ரோல், டீசல் தயாரிக்கும் ஹைதராபாத் எஞ்சினியர்!

பிளாஸ்டிக்கைக் கொண்டு பெட்ரோல், டீசல் தயாரிக்கும் ஹைதராபாத் எஞ்சினியர்!

Pic: சதீஷ் மற்றும் அவரின் மனைவி 

பிளாஸ்டிக் குப்பை உலகையே தலைவலி அடைய வைக்கிறது. தினமும் டன் கணக்கில் பிளாஸ்டிக் பயன்பட்டு தூக்கி எறியப்படுகிறது. எங்க பார்த்தாலும் பிளாஸ்டிக் மூட்டைகள், பாட்டில்கள், குப்பை குவியல்கள் தான். அதைக் கையாள முடியாமல் அரசும், பொதுமக்களும் தடுமாறிக்கொண்டிருக்கிறார்கள்.

ஆனா ஹைதராபாத்தில் இருக்கிற சதீஷ் குமார் என்ற மெக்கானிக்கல் எஞ்சினியர், இந்தக் குப்பைப் பிளாஸ்டிக்கையே ஒரு விலை மதிப்புள்ள எரிபொருளாக மாற்றி எல்லாரையும் ஆச்சரியப்படுத்தியிருக்கிறார்.

பிளாஸ்டிக்கில் இருந்து எரிபொருள் எப்படி?

சதீஷ் “பைரோலிசிஸ்” (Pyrolysis) என்று சொல்லப்படும் ஒரு தொழில்நுட்பத்தை பயன்படுத்துகிறார். இந்த முறையில் பிளாஸ்டிக் குப்பையை வெப்பத்தில் உருக்கி, அதிலிருந்து வரும் வாயுக்களை சுத்தம் செய்து திரவமாக மாற்றினால், அது பெட்ரோல், டீசல், விமான எரிபொருள் மாதிரி பயன்படும்.

எளிய கணக்கு சொல்லப்போனால், 500 கிலோ பிளாஸ்டிக்கில் இருந்து சுமார் 400 லிட்டர் எரிபொருள் கிடைக்கிறது.

2016 முதல் தொடங்கிய முயற்சி

2016-லிருந்து இவர் இந்த ஆராய்ச்சியையும், தயாரிப்பையும் ஆரம்பித்தார். இன்று வரை 50 டன் பிளாஸ்டிக் குப்பையை எரிபொருளாக மாற்றியிருக்கிறார். இந்த எரிபொருளை அவர் லிட்டருக்கு 40–50 ரூபாய் விலையில் சில சிறிய தொழிற்சாலைகளுக்கும் பேக்கரிகளுக்கும் விற்று வருகிறார். விலை குறைவாகவும், மாசு குறைவாகவும் இருப்பதால் அங்கங்கே தேவைக்கு பயன்படுத்திக்கொண்டிருக்கிறார்கள்.

இன்னும் சான்றிதழ் வரவில்லை

இந்த எரிபொருள் கார்களுக்கோ, பைக்குகளுக்கோ நேரடியாக பயன்படுத்த அரசு இன்னும் அனுமதி தரவில்லை. காரணம், பசுமை பாதுகாப்பு விதிமுறைகள், தரச் சான்றிதழ், பரிசோதனை எல்லாம் பூர்த்தி ஆகணும். ஆனா தொழிற்சாலைகளில், அடுப்பு வகை இயந்திரங்களில் இது ரொம்ப நல்லா வேலை செய்கிறது.

சூழல் பக்கம் பாராட்டத்தக்க முயற்சி

இது சாதாரண விஷயம் இல்லை. குப்பையை எரிபொருளாக்குவது என்றால், இரண்டு பிரச்சினைக்கு தீர்வு கிடைக்கும்:

1. பிளாஸ்டிக் குப்பை குறையும்.
2. எரிபொருளுக்கும் மாற்று வழி கிடைக்கும்.

பொதுவாக பிளாஸ்டிக் குப்பையை எரிச்சிடுறாங்க அல்லது புதைக்கிறாங்க. இரண்டுமே சுற்றுச்சூழலுக்கு ஆபத்தானது. ஆனா சதீஷ் குமார் மாதிரி மனிதர்கள் முன்னோக்கி யோசிச்சு, இதைப் பயனுள்ள எரிபொருளாக மாற்றுறது பாராட்டத்தக்க காரியம்.

ஊடகம் கவனிக்கலையே?

இவங்க மாதிரி கண்டுபிடிப்பாளர்களை நாம பத்திரிகையிலோ, டிவியிலோ அதிகமா பார்க்கவே முடியல. பெரிய கம்பெனிகள், அரசியல் செய்திகள் மாதிரி விஷயங்களில் கவனம் போகிறது. ஆனா இதுபோன்ற புதுமைகள் தான் உண்மையிலேயே நாட்டுக்கும், உலகுக்கும் உதவக்கூடியது.