துபாயின் தங்கச் சங்கிலி உலகச் சாதனை – 5.52 கிமீ நீளமான கைத்தறி பொன்னால் ஆன அற்புதம்!

துபாயின் தங்கச் சங்கிலி உலகச் சாதனை – 5.52 கிமீ நீளமான கைத்தறி பொன்னால் ஆன அற்புதம்!

துபாய்:

லக்சுரி மற்றும் தங்க வர்த்தகத்தின் உலகத் தலைமையகமாக திகழும் துபாய், மீண்டும் ஒருமுறை உலகம் முழுவதையும் ஆச்சரியப்படுத்தியுள்ளது. “துபாய் ஷாப்பிங் பஸ்டிவல்” (Dubai Shopping Festival – DSF) விழாவை முன்னிட்டு, துபாய் கோல்டு & ஜுவல்லரி குழுமம் (Dubai Gold & Jewellery Group – DGJG) உருவாக்கிய ‘Dubai Celebration Chain’ என்ற பெயருடைய தங்கச் சங்கிலி, தற்போது உலகின் நீளமான கைத்தறி தங்கச் சங்கிலி என்ற பெருமையை பெற்றுள்ளது.

இந்த தங்கச் சங்கிலி 5.52 கிலோமீட்டர் நீளம் கொண்டது. இதை உருவாக்க 22 காரட் தங்கம் சுமார் 240 கிலோ அளவில் பயன்படுத்தப்பட்டுள்ளது. மொத்தம் 4 மில்லியனுக்கும் மேற்பட்ட தங்க இணைப்புகள் இதில் பொருத்தப்பட்டுள்ளன.

இந்த அற்புதப் பணியை உருவாக்க 100க்கும் மேற்பட்ட திறமையான கைத்தறி நிபுணர்கள் இணைந்து, 45 நாட்களில் முடித்துள்ளனர். இதுவே துபாயின் நகை வடிவமைப்பு திறனை உலக அரங்கில் புதிய உயரத்துக்கு கொண்டு சென்றதாக நிபுணர்கள் கூறுகின்றனர்.

இது துபாயின் ‘City of Gold’ முயற்சியின் ஒரு பகுதியாக உருவாக்கப்பட்டது. தங்கம், வைரம், லக்சுரி நகைகள் ஆகியவற்றில் துபாயின் பாரம்பரியத்தையும், வர்த்தக சக்தியையும் உலகுக்கு எடுத்துக்காட்டும் நோக்கத்துடன் இந்த சாதனை நிகழ்த்தப்பட்டுள்ளது.

இந்த தங்கச் சங்கிலி முதலில் DSF விழாவில் மக்கள் பார்வைக்கு வைக்கப்பட்டு, பின்னர் பல சிறிய சங்கிலிகளாக பிரிக்கப்பட்டு விற்பனைக்கு வைக்கப்பட்டது.

உலக சாதனை:

கின்னஸ் உலகச் சாதனைப் புத்தகத்திலும் (Guinness World Records) இந்த ‘Dubai Celebration Chain’ பதிவு செய்யப்பட்டு, “உலகின் நீளமான கைத்தறி தங்கச் சங்கிலி” என்ற அதிகாரப்பூர்வ அங்கீகாரம் பெற்றுள்ளது.

துபாயின் பெருமை:

இச்சங்கிலி, துபாயின் தங்க வர்த்தகத் திறனை மட்டுமல்லாமல், கைத்தறி நிபுணர்களின் திறமையையும் வெளிப்படுத்தும் ஒரு பொன் கதை எனலாம்.