கிலிமஞ்சாரோ சிகரத்தை அடைந்த காரியாபட்டி 5 வயது சிறுவன் சிவவிஷ்ணு - தமிழகத்திற்கு பெருமை சேர்த்த சாதனை!
விருதுநகர் மாவட்டம் காரியாபட்டிக்கு அருகிலுள்ள பி. புதுப்பட்டியைச் சேர்ந்த 5 வயது சிறுவன் சிவவிஷ்ணு, ஆப்ரிக்காவின் உயர்ந்த சிகரம் எனப்படும் மவுண்ட் கிலிமஞ்சாரோவின் உஹுரு பீக்கை வெற்றிகரமாக அடைந்து, தமிழகத்திற்கு பெருமை சேர்த்துள்ளார்.
தமிழகத்தைச் சேர்ந்த 10 பேர் கொண்ட மலையேற்றக் குழு, வழிகாட்டி முததமிழ்செல்வி தலைமையில் கிலிமஞ்சாரோ ஏற்றத்தை தொடங்கியது. இந்த குழுவில் மிக இளைய உறுப்பினராக இருந்த சிவவிஷ்ணு, கடும் குளிர், குறைந்த ஆக்சிஜன் அழுத்தம், நீண்ட நடைபயணம் போன்ற சவால்களை சமாளித்து சிகரத்தை எட்டியுள்ளார்.
சுமார் 5,895 மீட்டர் உயரம் கொண்ட உஹுரு பீக், உலகின் உயரமான தனித்த மலைச்சிகரமாக கருதப்படுகிறது. அந்த உச்சியை 5 வயது சிறுவன் அடைந்தது, மாநிலத்தில் பெரும் கவனத்தை ஈர்த்துள்ளது.
மலையேற்றக் குழுவினர் தெரிவித்ததாவது:
“சிவவிஷ்ணுவின் உற்சாகமும், மனவலிமையும் பெரியவர்களுக்கு ஈடானது. சிகரத்தை அடையும் வரை அவன் காட்டிய துணிச்சல் குழுவை ஊக்கப்படுத்தியது.”
இந்த சாதனைக்காக சிவவிஷ்ணுவின் பெற்றோர்கள், கிராம மக்கள், மற்றும் விளையாட்டு ரசிகர்கள் சமூக வலைத்தளங்களில் வாழ்த்துகளை தெரிவித்து வருகின்றனர்.
கிலிமஞ்சாரோ சிகரத்தை அடைந்த இந்தியாவின் மிகவும் இளம் வயது சாதனையாளர்களில் ஒருவராக சிவவிஷ்ணு தற்போது கருதப்படுகிறார்.
0 Comments